FAKAHOKO ‘I HE ‘AHO MONITE 15 TISEMA 2025 ‘A E FAKATAHA KE FILI ‘A E PALEMIA ‘O TONGA

‘Ofisi ‘o e ‘Eiki Sea Fakataimi ‘o e Fale Alea ‘o Tonga
Fale Alea ‘o Tonga
Nuku’alofa
Tel: +676 27912/24455|www.parliament.gov.to|P.O Box 901|Nuku’alofa, Tonga

ONGOONGO TUKU ATU

FAKAHOKO ‘I HE ‘AHO MONITE 15 TISEMA 2025 ‘A E FAKATAHA KE FILI ‘A E PALEMIA ‘O TONGA

Kuo fanongonongo ‘e he Sea Fakataimi ‘o e Fale Aleá, Lord Tangi ‘o Vaonukonuká ‘a e fakataha ‘a e Kau Fakafofonga Fale Alea Kuo Filiˊ ke fakahoko ‘i he ‘aho Monite 15 ‘o Tisema 2025, ‘i he taimi 10:00am ‘i he Fale Alea ‘o Tongá. Na’e ‘oatu ‘a e fanongonongó ni hili ia ‘a e tāpuni ‘i he taimi 4.30pm ‘o e ‘ahó ni, Falaite 12 ‘o Tisema 2025, ‘a e taimi ne ‘ataa ke fakahū mai ai ‘e he Kau Fakafofonga Kuo Filiˊ ha tohi fokotu’u ‘o ha Kanititeiti ki he Palēmia Filí.

Ko e tohi fokotu’u Kanititeiti Palēmia ‘e ua fakakātoa na’e fakahū maiˊ. Ko e ‘uluaki tohi fokotu’ú na’e ma’u ia ‘i he ‘aho Tu’apulelulu 4 Tīsema 2025, pea ko e tohi fokotu’u hono uá na’e ma’u ia ‘i he ‘aho Pulelulu 10 ‘o Tīsema 2025. ‘E toki fakahā ‘a e fakaikiiki ‘o e ongo fokotu’ú ni ‘i he fakataha ‘oku ‘amanaki ke fakahoko ‘i he ‘aho Monité.

‘E fakahoko ai pē ‘i he fakataha tatau ‘a hono fili ‘a e Sea mo e Tokoni Sea ‘o e Fale Aleá, ‘i he hili pē ‘a hono fakahā ‘a e ola ‘o e fili ‘o e Palēmia Fili.ˊ

‘E fakamafola hangatonu atu ‘a e fakatahá ni ‘i he letio, ‘initaneti pea mo e mitia fakasosialé.

Tuku atu ‘e he Kalake Pule ‘o e Fale Alea ‘o Tonga
'Aho 12 'o Tisema 2025