Fakataha makehe 'a e Tama Pilinisi Kalauni pea mo e Sea e Falealea kae'uma'a e toenga e kau memipa

Details

Created on Friday, 25 February 2011 16:07

NE fakahoko ‘e he Tama Pilinisi Kalauni Tupoto’a Lavaka ha’a ne fakataha makehe pea mo e ‘Eiki Sea ‘o e Fale Alea, Lord Lasike pehe ki he ni’ihi ‘o e Hou’eiki Memipa  ‘o e Fale Alea ‘o Tonga ‘i he ‘aho 23 ‘o Fepueli 2011.

Ko e taumu’a ‘o e fakataha ni ke fakama’ala’ala mo fakataukei’i ‘a e Hou’eiki Memipa ‘a ia ‘oku ‘ikai ke nau memipa ‘i he Kapineti ki he ngaahi ngaue ‘oku fakahoko ‘e he ‘ofisi Talafekau lahi ‘o Tonga ‘oku tu’u ‘i Kenipela, ‘Aositelelia.Na’e kau ‘I he me’a ‘a e Tama Pilinisi Kalauni ‘a e ngaahi ngaue kehekehe hono ‘Ofisi ‘oku fakahoko pea mo e ngaahi fonua ko ia ‘e 9 ‘oku nau tokanga’i.

‘Oku kau heni ‘a ‘Aositelelia, Papua New Guinea, Siapani, Thailand, Singapore, Malaysia, United Arab Emirate(UAE), Brunei pea  mo ‘Initonesia.Ne kau he ngaahi me’a ne feme’a’aki ai e Tama Pilinisi Kalauni moe Hou’eiki  Memipa ‘a e ngaahi faingata’a’ia kehekehe ‘oku fehangahangai moe ‘Ofisi ‘i hono fakahoko honau fatongia pea pehe ki he ngaahi fokotu’utu’u ngaue kuo fai ki he kaha’u ‘o fakataumu’a eni ke laka mo nga’unu ai pe ki mu’a e fakahoko fatongia  koe’uhii ko e lelei fakaluukufua ma’a e kakai ‘o e fonua.Na’e kau ki he fakataha ni ‘a e toko 10 ‘o e Hou’eiki Memipa ‘o e Falealea.